【香港輕新聞】前任特首曾蔭權，因涉及廉署官司，卸任4年來一直深居簡出，除了在廉政公署正式起他時，他在東區法院門外接受過傳媒訪問外，甚少向傳媒談及政事，官司至今仍未了結，但在立法會換屆選舉有結果後，他透過免費報章am730對現屆政府一些事情作出評論，訪問片段更在有線新聞台播出，據am730報道，有關訪問會分3日刊登，曾蔭權除了回應現任梁振英政府在房屋問題上的指責外，他更會對過去4年香港發生的各種問題講述其看法，大有對梁振英進行大反擊之勢，動機值得細嚼。

曾蔭權開口論政事必有因

根據坊間分析及揣測，一向低調的曾蔭權「破繭而出」論盡港事，事必有因，照現時看法，其原因可以歸納為幾種可能性，包括：

1、下屆特首選舉即將展開，先前受了4年「冤屈氣」的曾蔭權，是時候出來對現屆梁振英政府表態，以澄清梁振英政府對上屆曾蔭權政府的一些指控；

2、曾蔭權是受了中央命令，專誠出來教導一下梁振英，希望他連任後有所改善；又或者是中央要借曾蔭權把口，讓梁振英知道中央對他的看法，知難而退，自行放棄連任；

3、最有時間性的可能性，當然是曾蔭權老友曾俊華剛剛從杭州G20峰會回來，可能帶來了好消息，未年5年不需要再對著梁振英，曾蔭權自然放膽講出心底話。

至於真實原因，還需看完整個曾蔭權的訪問，才看看能否從內容中找出端倪。

已刊出的兩天訪問，內容大概可分為以下各點：

房屋問題：

現任特首梁振英一直主打視為「重中之重」的房屋政策，大興土木狂谷供應，但樓價未見回落，公屋3年「上樓」的承諾亦落空，梁班子將供求失衡責任歸咎於土地問題，矛頭直指向上屆政府。曾蔭權首次開腔回應，表示欣然接受各方批評，但指亦要考量客觀環境，當時房地產特別是中型住宅樓價下跌六至七成，500萬元的單位狂跌至200萬元，政府當時為挽救樓市而施「重藥」，包括停止定期賣地及停建居屋。

曾蔭權說，當時並非完全不供應土地，只是改用勾地制度，「當時用呢種方法，當時我覺得係準確。」他事後回想，每個政策都可以做得更好，「只係當時我哋冇做到一樣嘢，就係雖然我哋唔賣地，依家回想嚟睇，都要積極、積極開發新嘅地皮。」

許仕仁案：

許仕仁因收受賄款，兩年前被判囚7年半。曾蔭權說，「當然有好多矛盾，當審判時我先知道一啲新嘅事實，但係對於佢對香港嘅貢獻真係唔少。」他重提98年亞洲金融風暴時期，時任財政司長的曾蔭權，與當時的財經事務局長許仕仁及金管局總裁任志剛合力聯手對付炒家，動用逾千億元公帑入市，與炒家背水一戰，聯手擊退「大鱷」，「唔係靠佢(許仕仁)同埋任志剛兩個人嘅扶持，我自己做財政司長時好艱難做出一個、我覺得係極之困苦嘅決定，而經過一個幾辛苦嘅過程，先克服到當時嘅危機，呢個功勞佢係不可滅嘅。」

曾蔭權說，「我依家只有每日每日都為佢祈禱，我覺得佢都係我終生一個好好嘅朋友。」

港獨問題：

曾蔭權對於「港獨」問題，有一些個人看法，「我自己有啲意見嘅，但唔得成熟」，他並無具體說明。但他說：「有啲嘢係真嘅呢，你點消滅都消滅唔到嘅；有啲嘢係假嘅、係虛浮嘅呢，你唔使做咩佢都會自動消滅。」

曾蔭權以宗教作例子，「好似兩千幾年前啲人對住基督教嘅滋長，當時猶太教一個長老話：『你唔使緊張㗎，我哋見到好多邪教出現，你唔使理一陣間佢自己自動消滅』；如果真係真理嘅時候，你撳都撳佢唔住，佢自己走出嚟，所以咁嘅態度睇，放懷啲睇呢個問題。」

社會分裂：

曾蔭權任內與各方「傾到偈」，被問及是否因個人包容度較高而有優勢？他即說，「唔好用相對字眼」，以免與任何人比較。他指出，每人都有特質及特性，「如果特性運用得好時，會做得好；如果運用得唔好時，或自己唔係專長做第樣嘢，可能做得冇咁好未定，但最後要接受無一個人係完美，都有瑕疵。」

他續說，「我自己嘅要求就係每個參政(從政)人士，都要面對香港市民、香港社會、香港地位、國家情懷，我哋需要成日記住，如果做公務個個懷住呢個心時，而且能夠有機會發展所長時，個個都會做得好好。」

上屆政績：

曾蔭權有問必答，唯一是不評論現屆政府及特首的處事方法，「我掌握唔到咁多事實，唔好立亂評論，而且我亦覺得唔係幾公道。」

他指自己任內只要認為當時環境需要，便會努力爭取，當中不乏爭議極大的議題，但亦「好彩做得到」。例如在政制方面，爭取到普選時間表，他自言當時是很大的里程碑；社會福利方面亦有不少成果，譬如最低工資，老人家坐車兩元，當時政治環境容許你做到呢啲嘢，尤其最低工資咁爭議性，但依家政治環境，如果要做，要不同方法先做到，呢個係事實........。」